Hewlêr (Rûdaw) - Saziya Keşnasiyê ya Tirkiyeyê ragihand ku tê pêşbînîkirin li 9 parêzgehan baraneke gur bibare ku 5 ji wan parêzgehên Bakurê Kurdistanê ne.
Li gorî daxuyaniya Saziya Keşnasiyê ya Tirkiyeyê îro li parêzgehên Erzirom, Qers, Erdexan, Îdir û Agirîyê barana gur dibare û egera lehiyê heye.
Saziya keşnasiyê tekez kir li 4 parêzgehên Tirkiyeyê jî heman rewş heye û divê ji ber egera lehiyê tedbîrên pêwîst bên wergirtin.
Li parêzgehên Qers û Erziromê yên Bakurê Kurdistanê barana ku çend roj in dibare bandoreke neyînî li jiyana welatiyan dike.
Doh li navçeyên Qamûşan, Qaxizman û Selîmê yên Qersê piştî baranê lehî rabû û zerarên madî gihandin 6 gundan.
.webp&w=3840&q=75)
