Ji bo 10 parêzgehan hişyarî hat dayîn

Hewlêr (Rûdaw) - Saziya Keşnasiyê ya Tirkiyê ji bo seranserê wî welatî hişyariya barana zêde û ji bo 10 parêzgehan jî hişyariya lehiyê da.

Li gor daxuyaniya Saziya Keşnasiyê ya Tirkiyê îro Şemiyê 20ê Gulana 2023an li seranserê Tirkiyê baran dibare û li parêzgeha Colemêrgê ya Bakurê Kurdistanê û li parêzgehên Enqere, Kirikkale, Konya, Karaman, Aksaray, Nevşehir, Nigde, Çankiri û Isparta yên Tirkiyê jî egera lehiyê heye. Hişyarî hatiye dayîn ku tedbîrên pêwîst bên wergirtin.

Tê pêşbînîkirin li Tirkiye û Bakurê Kurdistanê pileya germê di navbera 1 heta 3 pileyan de dakeve.

Herwiha ji bo seranserê Bakurê Kurdistanê jî hişyariya tozbarînê hatiye dayîn û tê gotin ku divê ji bo çûnûhatinê welatî tedbîrên pêwîst werbigrin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger