Hewlêr (Rûdaw) - Qaymeqamê navçeya Xurmatû ya ser bi parêzgeha Selahedînê ragihand, şeva borî 2 mûşek ji aliyê bakurê navçeyê ve hatin avêtin, yek ji mûşekan di navbera du baregehên Heşda Şeibî de ketine xwarê û cihê yê din jî nayê zanîn.
Qaymeqamê navçeya Xurmatuyê Husên Zeyn El-Ebdîn ji Rûdawê re ragihand, duh bi şev ji herêmên Besmetlî û Çardaxlî yên li bakurê navçeyê 2 mûşek hatin avêtin û platforma mûşekan hatiye dîtin.
Husên Zeyn El-Ebdîn got, "Yek ji wan mûşekan di navbera baregehên leşkerî yên Seraya Selamî yên ser bi Tevgera Sedr û Şehîd Husên ya girêdayî Heşda Şeibî de ketine xwarê, ziyanên canî çênebûne lê mûşeka duyem nayê zanîn li ku ketiye. Dibe ku mûşek tenê peyam bin."
Husên Zeyn el-Abdîn destnîşan kir dibe ku mûşek tenê peyam bin, bêyî ku hûrgulî li ser peyamê bide.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse