Li Sêwazê erdhejeke bihêz çêbû

Hewlêr (Rûdaw) - Li parêzgeha Sêwazê ya Bakurê Kurdistanê erdhejeke bi hêza 4.4 pileyan çêbû.

Rêveberiya Kareseat û Rewşên Bilez (AFAD) li ser erdhejê daxuyaniyek belav kir.

Li gorî daxuyaniya Rêveberiya Kareseat û Rewşên Bilez (AFAD), demijimêr 01:27an li navçeya Gurinê ya Sêwazê erdhejeke bi hêza 4.4 pileyan çêbûye.

Li gorî AFADê ew erdhej li kûrahiya 5.33 kîlometrayan çêbûye.

Parêzgariya Sêwazê diyar kir ku heta niha ti rewşên neyînî nehatine ragihandin.