Hewlêr (Rûdaw) - Balyoza Amerîkaya ya Îraqê Alina Romanowskiyê diyar kir ew piştgiriyê didin hilbijartinên azad û dadperwerane yên Parlamentoya Kurdistanê.
Alina Romanowskiyê ji ser platforma Xê li ser hilbijartinên Parlamentoya Kurdistanê peyamek belav kir.
Alina Romanowskiyê got: “Em piştgiriya didin hemû hewlên garantîkirina hilbijartinên Parlamentoya Kurdistanê ku sibehê bi awaeyekî azad û dadperwerane bin.”
Piştî dengdana taybet a 18ê Çiriya Pêşîn sibehê hilbijartinên giştî yên serdema 6em a Parlamentoya Herêma Kurdistanê tên lidarxistin.
Alina Romanowskiyê bangî hemû aliyên siyasî û hêzên ewlehiyê kir ku rêzê li rola girîng a medyayê û civaka sivîl di warê pêvajoya demokrasiyê de bigirin û xwe ji tundûtûjiyê dûr bigirin.
Hilbijartinên dawî yên Parlamentoya Kurdistanê sala 2018an de hatin kirin û ev cara yekem e ku dengdan bi rêya elektronîk bi serperiştiya Komîsyona Bilind a Serbixwe ya Hilbijartinan a Îraqê tên kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse