Li Çiyayê Gabarê agir bi daristanê ket

Hewlêr (Rûdaw) - Li gundê Bîravayê yê li quntara Çiyayê Gabarê yê parêzgeha Şirnexê agir bi daristanê ket.

Parlamenterê Partiya Çepên Kesk (YSP) Mehmet Zekî Îrmez jî ragihand ku ti midaxaleyek ji bo vemirandina agir nayê kirin.

Li gorî zanyaran, îro li gundê Bîravayê yê li Quntara Çiyayê Gabarê agir bi daristanê ket û şewat hîn jî berdewam

Ji ber bayê gur agir her diçe zêdetir li daristana herêmê belav dibe.

Parlamenterê YSPyê yê Şirnexê  Mehmet Zekî Îrmez li ser hesabê xwe yê medyayaya civakî dîmenên agir belav kirin û ragihand ku hîn jî ti midaxaleyek ji bo vemirandina wî agirî nehatiye kirin.

“Xweza û dar dibin qurbaniyên polîtîkayên ewlehiyê”

Îrmez got, “Hîn jî ji bo agirê li gundê Bîravayê yê li qunatara Çiyayê Gabarê ti midaxele nehatiye kirin.

Wekî ku di dîmenan de xuya dibe xweza û dar ji bo polîtîkayên ewlehî û talanê yên desthilata AKP-MHPyê tên qurbanîkirin.”

Gundê Bîrava salên 90î ji ber şerê di navbera Artêşa Tirkiyeyê û gerîlayên PKKyê de hatiye valakirin.

Li wê devera ku agir bi daristanê ketiye binkeyeke leşkerî ya Artêşa Tirkiyeyê heye.

Piraniya caran agir ji ber avêtina guleyên hawan û topan bi daristanên navçeyê dikeve.

Şırnak Merkez'e bağlı Gabar Dağı'nın eteklerinde bulunan Bîrava (Görmeç) Köyün'de çıkan yangına hala müdahale edilmedi!

Görüntülerde de görüldüğü gibi doğa ve ağaçlar AKP-MHP iktidarının şiddet, talan ve güvenlikçi politikalarına kurban ediliyor! #şirnex #şırnak #yangın… pic.twitter.com/f8St3lcy8a

— Mehmet Zeki İrmez (@zekiirmez) September 19, 2023

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger