Hewlêr (Rûdaw) – Hêzên Parastina Gel (HPG) ragihand ku gerîlayan li Rojavayê Zapê çalakiyên hewayî kirine.
Li gorî daxuyaniya HPGyê, di van çalakiyan de 8 leşker hatine kuştin û 11 leşker jî hatine birîndarkirin.
HPGyê destnîşan kir ku ev çalakî di navbera 12 û 18ê Tebaxê de li Rojavayê Zapê bi amûrên hewayî hatine kirin û baregehên artêşa Tirkiyeyê yên li Başûrê Kurdistanê bûne hedef.
HPGyê diyar kir ku bi tevahî 7 çalakiyên hewayî hatine lidarxistin û 6 çeper hatine rûxandin.
Li hêla din, HPGyê destnîşan kir ku ev çalakî ji bo tolhildana fermandar Alan Milazgîr, Berwar Dersîm û Sara Tolhildanê hatine kirin.
Gerîla TVyê jî dîmenên çalakiyan belav kirin.
Divê were gotin ku heta niha Wezareta Paratinê ya Tirkiyeyê li ser mijarê ti daxuyanî nedaye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse