Li Meletiyê erd hejiya
Hewlêr (Rûdaw ) – Li navçeya Arxayê ya Meletiya Bakurê Kurdistanê erdhejek çêbû.
Serokatiya Rêveberiya Karesat û Rewşên Bilez a Tirkiyeyê (AFAD) ragihand ku hêza erdhejê 4,0 bûye.
Li gorî agahiyên AFADê, erdhejê saet 12:02yan rû daye û kûrahiya wê 10,31 kîlometre bûye.
Piştî erdhejên 6ê Sibata 2023yan ên Mereşa Bakurê Kurdistanê rojane erdhejên paşekî çêdibin.
Doh jî li navçeya Kanîreşê ya parêzgeha Çewlîgê ya Bakurê Kurdistanê erd hejiyabû.