Hewlêr (Rûdaw) - Wezîrê Çandiniyê û Daristanê yê Tirkiyeyê Îbrahim Yumakli ragihand ku agirê li navçeyên Gaziemir û Bucayê yên Îzmîrê hatine kontrolkirin.
Doh li navçeyên Gaziemir û Bucayê agir bi daristanan ketibû û îro jî berdewam bû.
Di demjimêrên nîvro de Îbrahim Yumakli daxuyaniyek belav kir û eşkere kir ku agir hatiye kontrolkirin.
Li gor zanyariyan, destpêkê li navçeya Bucayê agir bi daristanê ketibû û piştre jî ji ber bayî gur agir li navçeya Gaziemirê jî belav bûbû û agir nêzîkî cihên nîştecihbûnê bû.
Midexaleya destpêkê ji aliyên welatiyan çêbûye û li ser agahdarkirinê firoke, helicopter û makîneyên kar bo cihê bûyerê hatibûn şandin.
Her wiha li gor çavkaniyên xwecihî di encama agir de hejmarek zêde kewarên mêşên hingivîn yên cotkaran jî şewitîne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse