Sadî Ehmed Pîre
Hewlêr (Rûdaw) - Berdevkê Yekîtiya Niştimanî ya Kurdistanê (YNK) Sadî Ehmed Pîre diyar kir ku YNK operasyonên Tirkiyeyê yên li Herêma Kurdistanê qebûl nake û şer û operasyon ne çareserî ye.
Berdevkê YNKyê Sadî Ehmed Pîre bû mêvanê bernameya Rûdawa Îro ya Rûdawê ku Nûner Fatîh pêşkêş dike.
Sadî Ehmed Pîre behsa şerê PKK û Tirkiyeyê hilbijartina parêzgariya Kerkûkê kir.
Sadî Ehmed Pîre amaje bi gotinên Erşad Salihî yên li ser parêzgariya Kerkûkî kir û da zanîn ku ew wê rêkeftinê qebûl nakin û ew rêkeftin serkeftî nabe.
Sadî Ahmet Pîre îdia kir ku hikûmeta Îraqê nikariye serweriya xwe biparêze û heta niha Îraqê nikariye serweriya xwe biparêze.
Sadî Ehmed Pîre da zanîn ku ku parastina Herêma Kurdistanê di çarçoveya desthilata mutleq a hikûmeta Îraqê de ye.
Sadî Ehmed Pîre û amaje bi wê yekê kir nabe hikûmeta Îraqê serweriya Herêma Kurdistanê bin pê bike.
Sadî Ehmed Pîre di berdewamiyê jî de diyar kir ku divê Partiya Demokrat a Kurdistanê (PDK) û YNK ji bo vemirandina agirê şer û pevçûnên di navbera PKKê û Tirkiyeyê de însiyatîf bistînin.
“YNK operasyonên Tirkiyeyê qebûl nake”
Sadî Ehmed Pîre behsa metirsiya şer kir û wiha got:
“Şer ti carî bijardeyeke baş nîne û xetereya vî şerî li ser statuya Herêma Kurdistanê gelekî mezin e."
Dijberên Tirkiyê ne li Silêmanî û Duhokê, li ser axa xwe (li Tirkiyeyê) ne. Bahaneya Tirkiyê ya li dû dijberên xwe yên li Herêma Kurdistanê ne behane ye.”
Li navçeya Amêdiyê ya Duhokê ji 27ê Hezîranê ve şer û pevçûnên di navbera gerîlayên PKKyê û leşkerên Tirkiyeyê de de berdewam in.
Li gorî rapora CPTyê 339 êrişên vê mehê bi balafiran, 35 bi rêya topxaneyan û 7 êriş bi rêya dronan bûye.
Kemeran Usman da zannîn ku 289 êriş li Dihokê û 48 êriş li Hewlêrê û 43 êriş jî li nav axa Silêmaniyê hatine kirin.
Li gorî zanyariyên CPTyê heta niha 200 gund vala bûne û metirsî li ser valabûna 600 gundî heye.
Her wiha heta niha li gundê Dergelêya Mûsa Begê yê girêdayî Amediyê jî 800 hezar dar şewitîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse