Hewlêr (Rûdaw) - Li Herêma Efrînê hejmarek şivanên Ereb ku temenê wan di navbera 16-18 salan de ye li pîremêrekî Kurd dane û bi giranî ew birîndar kirine.
Rêxistina Mafên Mirov li Efrînê ragihandiye ku roja Sêşemê 18ê Nîsanê hejmarek şivanên Ereb li gundê Gawenda yê Efrînê li pîrmêrê Kurd Xelîl Mamiq ê 86 salî dane.
Li gor rêxistina navborî, dema ku pîremêrê Kurd hewl daye rêgiriyê li şivanên Ereb bike û nehêle pezên xwe li nav zeytûnên wî biçêrînin, wan êrîşî wî kirine û bi tundî lêdane.
Rêxistina Mafên Mirov li Efrînê diyar kiriye, ku şivanên Ereb ên hawirde hestiyê paq û qalçeya wî pîremêrê Kurd şikandine.
Li gor zanyariyan, piştî birîndarbûnê pîremêrê Kurd rakirine nexweşxaneya leşkerî ya Efrînê.
Herêma Efrînê ya Rojavayê Kurdistanê ji Adara 2018an ve di kontrola Tirkiyê û komên çekdar ên girêdayî wê de ye. Ji wê demê ve heta niha bi sedan binpêkarî di derheqê xelkên resen ên Efrînê de hatine kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse