Hewlêr (Rûdaw) - Li navçeya Koksenê ya ser bi parêzgeha Mereşê ya Bakurê Kurdistanê ve du otomobîlan li hev dan û di encamê de 4 kesan canê xwe ji dest dan û 4 kes jî birîndar bûn.
Îro 19ê Nîsanê, li navçeya Koksenê li ser rêya Mereş-Kayseriyê kûçikek derket pêş otomobîla şofêrê wê Seyfullah Kazanci. Seyfullah Kazanci, ji ber li kûçik nede berê otomobîla xwe guhert û derbasî rêya hember bû.
Di encamê de otomobîla Seyfullah Kazanci û otomobîleke ku ji hemder de dihat li hev dan û di encamê 3 ji malbatekê 4 kesan canê xwe ji dest dan û 4 kes jî birîndar bûn.
Li ser agahdarkirinê tîmên tendirustiyê û polîs bo cihê bûyerê hatin şandin. Birîndar ji aliyê tîmên tendirustiyê ve bo nexweşxaneyê hatin veguhestin û termên 4 kesan jî bo karên otopsiyê bo Saziya Pizîşkiya Dadî ya Mereşê hatin veguhestin.
Derbarê bûyerê de lêpirsîn hat destpêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse