Li Şingalê pevçûn: 5 leşker birîndar bûn

Hewlêr (Rûdaw) - Di şerê YBŞ û leşkerên Îraqê yên li Şingalê de 5 leşkerên Îraqê û 3 şervan birîndar bûn.

Şeva borî li navenda Şingalê di navbera Yekîneyên Berxwedana Şingalê (YBŞ) û hêzên Îraqê de pevçûn derket.

Gerînendeyê Nexweşxaneya Şingalê Luqman Sultan ji Rûdawê ragihand ku 5 leşkerên Îraqê di vê pevçûnê de birîndar bûne.

Luqman Sultan diyar kir ku birînên wan leşkeran sivîk in.

Li gorî agahiyan, dema leşkerên Îraqê bi pey “tometbarekî” ketine vê pevçûnê rû daye.

Yekîneyên Berxwedana Şingalê (YBŞ) jî da zanîn ku leşkeran xwestiye wesayîtekê rawestînin lê dema wesayît ranewestiyaye wan gule lê reşandine.

YBŞyê diyar kir ku di vê êrişê de 3 şervanên wan birîndar bûne û rewşa şervanekî krîtîk e.

Di nava sê salên borî de ev cara sêyem e ku şer di navbera YBŞ û artêşa Îraqê de derdikeve.

#VÎDEO - Li Şingalê pevçûn: 5 leşker birîndar bûn pic.twitter.com/RVqCKWeN6S

— RudawKurdi (@RudawKurdi) March 19, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger