Hewlêr (Rûdaw) - Saziya Keşnasiya Tirkiyeyê ji bo parêzgehên Amed, Şirnex, Êlih û Sêrtê yên Bakurê Kurdistanê hişyariya berfbarîneke bihêz da û ji welatiyan xwest ku tedbîrên pêwîst wergirin.
Navenda Hişyariya Pêşwext û Pêşbîniyan a Herêma Amedê ya girêdayî Birêvebiriya Herêma 15emîn a Saziya Keşnasiya Tirkiyeyê daxiyaniyek belav kir.
Di daxuyaniyê de hat ragihandin ku dê ji demjimêr 21:00ê şeva çarşemê û pê ve li navçeyên Bêşebab û Qilebanê yên Şirnexê, navçeyên Tillo, Hawêl, Berwarî û Xizxêr ên Sêrtê, navçeyên Lice û Pasûrê yên Amedê û navçeyên Sason û Hezo yên Êliha Bakurê Kurdistanê berfeke bihêz bibare.
Saziya navborî ji welatiyan xwest ku li hemberî bûyerên wekî qeşagirtina rêyan, astengiyên çûnûhatinê, hatina aşûtan û her cor pêşhateke neyînî ya keşûhewayê tedbîrên pêwîst wergirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse