Beriya şerê mezin eşîr li Hewlêrê kom bûn

Hewlêr (Rûdaw) – Serokê Parlamentoya Iraqê Selîm Cibûrî spasiya Hikûmeta Herêma Kurdistanê kir ku pêşwazî li koçberên ji bajarên Iraqê kiriye.

Li Hewlêrê 250 mezinên eşîrên sunne li Salona Saad Abdullah hatin ba hev.

Di civînê de Serokê Parlamentoya Iraqê Selîm Cibûrî, Parêzgarê Mûsilê Newfel Hamadî û Parêzgarê Hewlêrê Newzad Hadî jî amade bûn.

Li civîna “Bo Operasyona Rizgarkirina Mûsilê Piştgirî” Selîm Cibûrî axavtinek pêşkêş kir û spasiya Hikûmeta Herêma Kurdistanê kir ku pêşwazî li koçberên ji bajarên Iraqê kiriye.

Cibûrî behsa azadkirina Mûsilê û qonaxa piştî DAIŞê kir û da xuyakirin ku alîkariya di navbera hêzên artêşê û şervanên eşîran û hêzên Pêşmerge de, nîşana serkeftineke mezin e.

Herwiha Cibûrî anî ziman, bo pêkanîna aştiya civakî pêwîstiya wan bi karekî mezin yê eşîran heye û di rêya lihevkirineke civakî re.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger