RIHA - 5 kes hatin desteserkirin: Hincet PKK ye

RÛDAW

Hewlêr (Rûdaw) - Di operasyonekê de ku navenda wê parêzgeha Rihayê ya Bakurê Kurdistanê bû, 5 kes bi hinceta “peydakirina çavkaniyên darayî ji bo PKK-KCK/PYD-YPGyê” hatin girtin.

Hêzên ewlehiyê yên Tirkiyeyê, doh bi Fermana Serdozgeriya Komarê ya Rihayê, li parêzgehên Riha û Dîlokê yên Bakurê Kurdistanê û bajarên Stenbol û Kirşehîrê yên Tirkiyeyê operasyonek da destpêkirin.

Hêzên ewlehiyê di çarçoveya operasyonê de li her çar parêzgehan bi ser çend navnîşanan de girt.

5 kes bi hinceta “peydarkirina çavkaniyên darayî ji bo PKK-KCK/PYD-YPGyê” hatin desteserkirin.

Tîmên ewlehiyê kesên ku hatin desteserkirin birin birêvebiriyên ewlehiyê.

Li Tirkiye û Bakurê Kurdistanê, hêzên ewlehiyê rojane bi ser malan de digirin û bi “hinceta PKKyê” xelkê sivîl û siyasetmedarên Kurd desteser dikin.