Pêşangeha 6emîn a Tamên Herêmî ya Mezopotamyayê ya ku li Amedê hat lidarxistin bi dawî bû.
Pêşangeha 6emîn a Tamên Herêmî ya Mezopotamyayê bi piştevaniya Şaredarî, Parêzgarî, Odeya Pîşesazî û Bazirganiyê û çend saziyên din ên Amedê hati organîzekirin.
Pêşangeh, li Navenda Kongre û Pêşangehên Navneteweyî ya Amedê hatiye vekirin
Ji 59 bajaran 170 kampanya beşdarî pêşangehê bûn.
Birêvebirê Çandinî û Daristanan ê Parêzgehê Mustafa Ertan Atalar di vekirina fuarê de axivî û diyar kir, Ameda ku 7 milyon dekar erda çandiniyê lê heye di warê çandinî û ajeldariyê de xwedî potansiyeleke girîng e.
Her wiha Serokê Odeya Pîşesazî û Bazirganiyê ya Amedê Mehmet Kaya got ku sala borî 347 hezar kesan ew pêşangeh ziyaret kiriye.
Odeya Pîşesazî û Bazirganiyê ya Amedê pêşbînî dike îsal ew hejmar 500 hezar kesî derbas bike.
Pêşangeha ku 12ê Çiriya Paşîn dest pê kir 6 rojan berdewam kir.
Wêne: Abdulselam Akinci/Rûdaw