Hewlêr (Rûdaw) - Li parêzgeha Semsûrê ya Bakurê Kurdistanê piştî baraneke gur lehî rabû û hejmarek konteynerên mexdûrên erdhejên 6ê Sibatê di bin avê de man.
Yekitiya Pizîşkên Tirkiyeyê (TTB) li ser hesabê yê tora civakî ragihand ku 2 roj in ji ber baraneke gur gelek konteynerên mexdûrên erdhejê di bin avê de mane û li ser mijarê karvedan nîşanî rayedaran da.
Herwiha çend dîmenên konteynerên ku di bin avê de mane jî belav kirin û di dîmenan de hejmarek welatî bi sîtilan ava ku ketiye nav konteyneran vala dikin.
Yekitiya Pizîşkên Tirkiyeyê (TTB) ragihand:
“Li Semsûrê ji ber barana doh û îro gelek konteyner di bin avê de mane. Mexdûrên erdhejê careke din neçar mane birînên xwe bixwe bipêçin.
Tevî ku 9 meh û nîv di ser erdhejê re derbas bûne kêmasiyên organîzasyonê li qadên demkî yên niştecihbûnê berdewam in.”
Semsûr yek ji wan parêzgehên Bakurê Kurdistanê bû ku erdhejên 6ê Sibatê herî zêde zerer gihandiye wê.
Li gorî amarên Wezareta Jîngeh û Bajarvaniyê ya Tirkiyeyê di wan erdhejan de li Semsûrê hezar û 485 avahî hilweşiyan e û 4 hezar û 85 avahiyan jî zerer dîtine ku divê bên hilweşandin.
Adıyaman'da dün ve bugün yaşanan yağış nedeniyle çok sayıda konteynırı su basmış, depremzedeler bir kez daha yaralarını kendi kendilerine sarmak zorunda bırakılmıştır.
— Türk Tabipleri Birliği (@ttborgtr) November 17, 2023
Depremin üzerinden 9,5 ay geçmesine karşın geçici yerleşim alanlarındaki organizasyon yetersizlikleri… pic.twitter.com/AD6gnZHuUP
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse