Hewlêr (Rûdaw) - Li parêzgehên Qers û Erdexanê yên Bakurê Kurdistanê berf dibare û cihên bilind ên her du parêzgehan bi rengê spî xemilîne.
Li navçeyên Selîm û Qamûşanê yên Qersê doh danê sibehê baranê dest pê kir û piştre li cihên bilind ên wekî Navenda Kaşûnê ya Cibiltepeyê û Çiyayên Alahûekberê berf bariya.
Gundên nêzîkî wê herêmê jî bi rengê spî xemilîn û li gorî texmîna Saziya Keşnasiyê ya Tirkiyeyê dê barîna berfê berdewam be.
Her wiha li ser rêya parêzgehên Qers û Îdirê jî berfê bandoreke neyînî li çûnûhatinê kir û şofêrên otomobîlan rûbirûyê zehmetiyan bûn.
Li Neqeba Xanlarê ku bilindahiya wê ji asta deryayê 2 hezar û 286 metre ye berf zêdetir bariyaye û tîmên girêdayî Birêvebiriya Rêyên Bejayî yên herêmê dest bi paqijkirina berfê kirine.
Li parêzgeha Erdexanê jî berfê xwe li zozanên Bilbilan girt û bi taybetî serê çiyayên bilind spî bûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse