Hilbijartinên taybet: Rêjeyên beşdarbûnê diyar bûn

Hewlêr (Rûdaw) – Komîsyona Serbixwe ya Bilind a Hilbijartinan a Îraqê ragihand ku rêjeya beşdarbûnê ya hilbijartinên taybet ji sedî 97 e.

Dengdana taybet a hilbijartinên Parlamentoya Kurdistanê saet 18:00an qediya.

Di dengdana taybet de mafê dengdanê yê 215 hezar û 960 kesî hebû.

Li gorî daxuyaniya Komîsyonê, 208 hezar û 521 kesan dengê xwe daye û rêjeya beşdarbûnê ji sedî 97 e.

Dengdana taybet a hilbijartinên Parlamentoya Kurdistanê li 4 parêzgehên Herêma Kurdistanê û çend parêzgehên Îraqê hat kirin.

Her wiha li bajar û parêzgehên Kurdistanî yên li derveyî îdareya Herêma Kurdistanê jî navendên dengdanê hatin danîn.

Di dengdana taybet de tenê hêzên ewlehiyê dengê xwe da.

Komîsyona Hilbijartinê ragihand ku li gorî parêzgehan rêjeyên beşdarbûnê wiha ne:

Dihok: Ji sedî 98

Silêmanî: Ji sedî 97

Hewlêr: Ji sedî 97

Helebce: Ji sedî 96

Hilbijartinên taybet ên Parlamentoya Kurdistanê

🛑 Komîsyona Hilbijartinê ragihand ku rêjeya beşdarbûnê ji sedî 97 e

🛑 Rêjeyên beşdarbûnê yên li gorî parêzgehan wiha ne: pic.twitter.com/F5xKwGhU7x

— RudawKurdi (@RudawKurdi) October 18, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger