Nêçîrvan Barzanî û Balyozê Japonyayê pêwendiyên aborî gotûbêj kirin

Hewlêr (Rûdaw) – Serokê Herêma Kurdistanê Nêçîrvan Barzanî, Balyozê Japonyayê yê Îraqê Futoshi Matsumoto li Hewlêrê qebûl kir.

Ofîsa Serokatiya Herêma Kurdistanê derbarê naveroka hevdîtina Nêçîrvan Barzanî û Futoshi Matsumoto daxuyaniyek da.

Li gorî daxuyaniyê, di hevdîtinê de berfirehtirkirina pêwendiyên Japonyayê li gel Îraq û Herêma Kurdistanê bi taybetî di warê aborî de hat gotûbêjkirin.

Nêçîrvan Barzanî û Futoshi Matsumoto tekezî li ser wê yekê kir ku pêwîst e aramiya siyasî û ewlehiyê li Îraqê were parastin da ku zemîneke guncaw ji bo vegerhênana biyanî were çêkirin.

Herwiha her du aliyan, derfet û warên ku kompanyayên Japonî dikarin li Îraq û Herêma Kurdistanê kar bikin nirxandin.

Di hevdîtinê de ji bilî van mijaran, pêwendiyên Hewlêr û Bexdayê, pişka bûdceya Herêma Kurdistanê û mafên darayî û pêşhatên navçeyê hatin gotûbêjkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger