Hewlêr (Rûdaw) – Cenazeyên du gerîlayên PKKyê birin Amedê ku tê gotin li Licê canê xwe ji dest daye.
Li çoltera gundê Pêçarê yê navçeya Licê ya Amedê di navbera gerîla û leşkeran de şer derketibû.
Li gorî nûçeya Ajansa Mezopotamyayê (MA), balafirên şer û helîkopteran qadên Lîs, Çemê Sarumê, Zikte û Şehîd Remzî bombebaran kirin.
Liv û tevgera leşkerî ya li gundê Pêçarê hîn jî berdewam dike.
Wezîrê Karên Navxwe yê Tirkiyeyê Alî Yerlîkaya ragihand ku di pevçûnê de gerîlayên bi navên Zirav Taş (Pîro Amed) û Fehmî Başkurt (Botan) canê xwe ji dest daye.
Cenazeyên du gerîlayan birine Saziya Tiba Dadî ya Amedê û tê gotin ku wan li Licê canê xwe ji dest daye.
Malbat ji bo teşxîskirina cenazeyan çûne Amedê û mînakên xwînê dane.
Divê were gotin ku PKKyê heta niha li ser mijarê ti daxuyanî nedane.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse