Li Amedê pevçûna malbatan: 3 kes hatin kuştin û kesek birîndar bû
Hewlêr (Rûdaw) - Li navçeya Bismilê ya parêzgeha Amedê ya Bakurê Kurdistanê du malbat pev çûn.
Di pevçûnê de 3 kes hatin kuştin û kesek jî bi giranî birîndar bû.
Bûyer li taxa Dumlupinarê ya navçeya Bismilê ya Amedê çêbû.
Li gorî zanyariyan, di navbera malbatên Tekîn û Gumurcu de ku pêştir di navbera wan de alozî hebû nîqaş derket.
Piştî demekê her du malbatan bi çekan gule li hev reşandin.
Di pevçûnê de 3 kes hatin kuştin û kesek jî bi giranî birîndar bû.
Li ser agahdarkirinê tîmên tenduristiyê çûn cihê bûyerê û wan kesê birîndar rakir Nexweşxaneya Dewletê ya Bismilê.
Hat ragihandin ku rewşa kesê birîndar giran e.
Li aliyê din hêzên ewlehiyê jî li hemberî derketina pevçûn û aloziyên nû li taxê tedbîrên ewlehiyê wergirtine.
Herwiha hat ragihandin ku derbarê bûyerê de lêkolîn hatiye destpêkirin.