Hewlêr (Rûdaw) - Li navçeya Kaniya Xezalan ser bi parêzgeha Rihayê ya Bakurê Kurdistanê du ciwanên ku ketibûn kanala avê, xeniqîn.
Li gor agahiyên hatine belavkirin, du ciwanên bi navên A.A (16 salî) û S.A (15 salî), ji bo xwe hênik bikin ketine kanala avê ya nêzîkê Taxa Aksarniç.
Piştî demekê herdu ciwan ji ber çavan wenda bûne û xelkên derdorê hêzên polîs û tendirûstiyê agahdar kirine.
Li ser agahdarkirinê Rêveberiya Ewlekariyê ya Bajêr, tîmên berevaniya şaristanî û tendirûstiyê şandine cihê bûyerê û piştî lêgerînê tîmên navborî termû herdu ciwanan dîtine.
Li gor zanyariyên hatine belavkirin, termê herdu ciwanan bo Morga Nexweşxaneya Dewletê ya Kaniya Xezalan hatine veguhestin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse