Hewlêr (Rûdaw) - Rêveberiya Giştî ya Keşnasiya Tirkiyeyê pêşbînî dike li 8 parêzgehên Bakurê Kurdistanê baran bibare.
Baran dê du rojan berdewam bike.
Rêveberiya Keşnasiyê ya Tirkiyeyê li ser hesabê xwe yê medyaya civakî pêşbîniya xwe ya keş û hewayê ya îro belav kir.
Li gorî pêşbîniyê Rêveberiya Keşnasiyê li 18 parêzgehên Tirkiye û Bakurê Kurdistanê baran dibare.
Heşt ji wan parêzgehan ên Bakurê Kurdistanê ne.
Li gor Rêveberiya Keşnasiyê tê pêşbînîkirin li Dêrsim, Agirî, Îdir, Qers, Erdexan, Erzîngan, Erzerom û Mereşê baran bibare.
Li wan 8 parêzgehên Bakurê Kurdistanê pileya germê di navbera 33-38an de ye û barîna baranê bandoreke zêde li daketina pileya germê nake.
Pileya germê li hinek parêzgehên din ên Bakurê Kurdistanê li gorî hefteya borî bilindtir e û di navbera 38-42 pileyan de ye.
Li gor pêşbîniya Rêveberiya Keşnasiyê, barîna baranê îro dest pê dike û heta 20ê Tîrmehê berdewam dibe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse