Dêrsim (Rûdaw) – Li Dêrsimê pêşî agir kadinê ket û paşê bi axûrên dewaran ket.
Di şewatê de 16 dewar mirar bûn û 18 dewar jî birîndar bûn.
Li gundê Qeceranê yê navçeya Pêrtagê ya Dêrsima Bakurê Kurdistanê agir bi axûrên gundiyan ket.
Di encamê de zerera madî çêbûye.
16 dewarên gundiyan mirar bûn û 18 dewar jî birîndar bûn.
Xwediyê dewaran Sultan Haydaroglu got:
“Mal û milkê min û heywanên min, banê mala min û kadîna min nema.
Zarokên min gelek ked dane, bila ez bimiriyam lê bila keda zarokên min wisa neçûya.”
Li ser agahdarkirinê 2 makîneyên TOMAyê çûn cihê bûyerê û wan bi ava şid midexaleya agir.
Bi beşdarbûna welatiyan jî di nav demjimêrêkê de agir hat kontrolkirin.
Şahidê bûyerê Murat Bul jî got:
“Ji ber agir gelek dewar fetisîn û şewitîn. Gundî ji bo vemirandina agir kom bûn lê ji ber ku agir pir mezin bû nekarîn vemirînin.
Em difikirin ku agir ji ber elektrîkê derketiye. Zerer û ziyan gelekî zêde ye.”
Piştî bûyerê tîmên Rêveberiya Çandinî û Daristanê ji bo tespîtkirina zererê dest bi kar û xebatê kir.
Hinek ji ajelên birîndar hatin serjêkirin.
Herwiha tîmên pêwendîdar hinek dewar jî ji bo dermankirinê veguhestin veterîneriyê.
