Qesra Spî: Testa Covid-19yê ya Biden pozîtîf derket

Hewlêr (Rûdaw) - Qesra Spî ragihand ku testa Covid-19yê ya Serokê Amerîkayê Joe Biden pozîtîf derket.

Berdevka Qesra Spî Karine Jean-Pierreyê derbarê mijarê de daxuyaniyeke nivîskî weşand.

Hat gotin Biden berê aşiya Covid-19yê li xwe xistibûye, ji ber vê nexweşiya wî sivik e û ew dê li Delawareyê îzole bimîne.

Biden piştî çalakiya li Las Vegasê test daye kirin û testa wî ya Covid-19yê pozîtîf derketiye.

Di daxuyaniyê de hat diyarkirin ku Biden dê li Delawareyê wezîfeya xwe bidomîne û Qesra Spî jî dê derbarê rewşa Serok a rojane de her tim agahiyan parve bike.

Nivîsa doxtorê Biden jî hat parvekirin.

Di nivîsê de hat gotin ew ji ber enfeksiyona qirikê hatiye, agirê wî û nebza wî normal e, Biden "Paxlovîd"ê bi kar tîne û ew dê ji civakê dûr bisekine.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger