Hewlêr (Rûdaw) – Li parêzgeha Meletiyê ya Bakurê Kurdistanê di navbera xwediyê kargehekê û grupekê de şerê bi çekan çêbû û di encamp de 2 kes hatin kuştin û 6 kes jî birîndar bû.
Li gor agahiyan li taxa Yeni Hamam ya ser bi navçeya Battalgazî ji ber deynan di navbera xwediyê kargehê û grupekê de pevçûn derket û piştre şerê bi çekan çêbû.
Di encama şer de li cihê bûyerê 2 kesên bi navê Remzi Erşahin û Halil Ulutaş canê xwe ji dest dane û 6 kes jî birîndar bûne û bo nexweşxaneyên cûda hatine veguhestin.
Li gor agahiyan tîmên polîsan girêdayî bûyerê 5 kes desteser kirine û dest danîne ser 6 çekên ku di bûyerê de hatine bikaranîn.
Herwiha derbarê bûyerê de lêpirsîneke berfireh hat destpêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse