Hewlêr (Rûdaw) - Li bajarê Mûşê 2 otomobîl li hev qelibîn û di encamê de 3 kes mirin û 5 kes birîndar bûn.
Li ser rêya Mûş-Bedlîsê li xaçerêya bajarokê Vartinîsê otomobîla Alî Riza Akpolat diajot û otomobîla Şemdîn Tulgar diajot li hev qelibîn.
Li ser agahdarkirinê tîmên tenduristiyê û cendirme çûn cihê qezaya trafîkê.
Di qezaya trafîkê de Alî Riza, Ferîde Ebrar, Yagmur û Mehmet Huseyîn Akpolat û Şemdîn, Samet û Selcan Tulgar û dergûşeke navê wî nehatiye zanîn birîndar bûn.
Tîmên tenduristiyê birîndar veguhastin nexweşxaneyên li Mûş, Bedlîs û Norşînê.
Şemdîn, Samet û Selcan Tulgar canê xwe ji dest da.
Tedawiya birîndarên din berdewam dikin.
Cendirmeyan li herêmê tedbêrê ewlehiyê hildan.
Otomobîlên qeza kirin ji rê hatin rakirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse