Li ser Çemê Xazirê li nêzikî gundê Çeme ya ser bi navçeya Berdereş a parêzgeha Duhokê, şopînerên ola Sabiiyan (Mendayî) merasîma 'Pakbûna Zêrîn' li dar xistin.

Pakbûna Zêrîn duyemîn cejna herî mezin a Sabiiyan (Mendayî) ye ku di nav salekê de çar cejnên wan hene.

Şopînerên ola Sabiiyan (Mendayî) di cejnê de diçin qeraxên çem û dest bi nizayan dikin, berpirsên olî destên xwe datînin ser serê bawermandan û ava çem ser wan de dikin.

Ev 2 sal in ji ber Koronayê ev merasima olî nedihat lidarxistin, kesên ku beşdarî merasîmê bûne niha li Başûrê Kurdistanê dijîn.

Şopînerên ola Sabiiyan (Mendayî) yekxwedaperest in û bi Xwedê bawer dikin. Di wê rojê de ji Xwedê re duayan dikin û li ber Xwedê digerin. Hejmara wan nêzîkî 100.000 kesan e ku 60.000ê wan li Iraq û Herêma Kurdistanê ne.

Sabiî bi giranî li qeraxên çemên Dîcle û Feratê li herêmên jêrîn ên her du çeman, ango Elbetaye, Ehwes û Şetul Ereb û her wiha li bajarên El-Emere, Nasiriye û Besrayê dijîn.

Wêne: Bilind T. Abdullah