HSD: Şervanekî pasewanên Xabûrê şehîd ket

RÛDAW

Hewlêr (Rûdaw) - Artêşa Tirkiyê topbarana xwe li ser gundê Til Tewîl yê Aşûriyan li Til Temirê tund kiriye. HSDê ragihand ku di topbarana Tirkiyê de şervanekî pasewanên Xabûrê jiyana xwe ji dest daye.

Navenda Ragihandina Hêzên Sûrya Demokratîk (HSD) jî di derbarê topbaranê de daxuyaniyek belav kir û tê de ragihand ku di encama topbarana artêşa Tirkiyê de şervanekî pasewanê Xabûrê jiyana xwe ji dest daye.

HSD di daxuyaniya xwe de wiha dibêje “Îro êvarê di encama topbarana hovane ya dewleta Tirk a li ser gundê Til Şenan a Til Temirê de, şervanê Pasewanên Xabûrê yê Aşûrî Ziya Til Temir şehîd ket.”

Ev 5 roj in li ser hev e Tirkiyê gundên derdora nahiya Til Temir û nahiya Zirganê topbaran dike. Herwiha Gundên Mieleq û Seyda li derdora Eyn Îsa û rêya M4 ya navdewletî jî tên topbarankirin.