Kerkûk (Rûdaw)- Hêzên Pêşmerge li eniya Daqûqê li başûrê Kerkûkê dest bi êrişeke berfereh li dijî çekdarên DAIŞê kirin.
Fermandarê Hêzên Pêşmerge Fexredîn Ebdulah ragihand: “Êrişa Hêzên Pêşmerge îro serê sibehê li eniya Daqûqê dest pê kir û heta niha gundê Uzêriye hatiye kontrolkirin û Pêşmerge pêşde diçin.”
Fexredîn Ebdulah wiha got: “Niha şer li gundê Etşanê yê ser bi bajarokê Daqûqê ve berdewam dike û hewl didin ku di zûtirîn dem de wî gundî jî rizgar bikin.”
Wî fermandarê Pêşmerge wiha domand: “Tevî ku li gundê Uzêriyeyê çekdarên DAIŞê 3 seatan bergirî kirin, lê di encamê de Hêzên Pêşmerge ew gund bi temamî kontrol kirin.”
Di nava 8 rojên borî de li parêzgeha Kerkûkê 31 gund û 3 navçe ji aliyê hêzên pêşmerge de hatibûn kontrolkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse