Hewlêr (Rûdaw) – Li nahiyeya Qerehencîrê ya Kerkûkê termê Kurdekî 73 salî hat dîtin.
Li herêma Çemê Goranê ya Qerehencîrê doh kesek winda bûbû.
Termê wî kesî li heman herêmê hat dîtin û şopên guleyan li ser laşê wî hene.
Çavkaniyên ji polîsê Qerehencîrê, ji Tora Medyayî ya Rûdawê da zanîn ku navê wî kesî Rehîm Mîrza Xurşîd e û berê ajokarê taksiyê bûye.
Heman çavkaniyan da zanîn ku taksiya Rehîm Mîrza jî hatiye dizîn.
Fatîh Rehîmê kekê Rehîm Mîrza ji Rûdawê re got, “Birayê min û hevjîna xwe bi hev re dijiyan, sê kur û keçeka wan hene. Ew malnişîn bû lê carinan karê taksiyê dikir.”
Fatîh Rehîm herwiha diyar kir, piştî ku birayê wî doh ji malê derketiye telefona wî hatiye girtin û ew ji doh ve lê digeriyan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse