Hewlêr (Rûdaw) - Cenazeyê Fermandarê Hêza Komando ya Herêma Kurdistanê Akam Omer danê sibeha îro bi rêya Firokexaneya Silêmaniyê ji bo Herêma Kurdistanê hat vegerandin û merasîmeke serbazî pêşwazî lê hat kirin.
Cenazeyê Fermandarê Hêza Komando ya Herêma Kurdistanê Akam Omer îro Şemiyê 17ê Berfanbara 2022an ji bajarê Hannover a Almanyayê gihîşt Firokexaneya Silêmaniyê û biryar e bi merasîmeke mezin li Goristana Şêx Ehmed a Hewlêrê were veşartin.
Nûçegihanê Rûdawê yê Silêmaniyê Horvan Rifat ragihand, bi amadebûna berpirsên partiyan û hikûmetê li Firokexaneya Silêmaniyê merasîmek ji bo pêşwazîkirina cenazeyê Akam Omer tê lidarxistin û dê merasîmek jî li baregeha 70 ya Hêza Pêşmerge were lidarxistin.
Akam Omer li Hewlêrê ji dayîk bûye û biryare îro cenazeyê wî ji bo Hewlêrê were şandin û bi merasîmeke mezin li Goristana Şêx Ehmed were veşartin.
Fermandarê Hêza Komando ya Kurdistanê Akam Omer di 19ê Cotmeha 2022an de li devera Zînane ya ser bi Germiyanê, di encama teqîna mayinekê de bi 7 Pêşmergeyên din re birîndar bû û piştî ku 10 rojan li Nexweşxaneya Farûq a Silêmaniyê ma ji bo dermankirinê bo Almanyayê hat şandin û di 12ê Berfanbara 2022an de li nexweşxaneyeke bajarê Hannover a Almanyayê şehîd bû.
Amadekariyên vegerandina cenazeyê Fermandarê Hêza Komando ya Kurdistanê Akam Omer li Firokexaneya Silêmaniyê.
— RudawKurdi (@RudawKurdi) December 17, 2022
📸Horvan Rifat - Rûdaw pic.twitter.com/OifkLa1D57
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse