Hewlêr (Rûdaw) - Li parêzgeha Dêrsimê ya Bakurê Kurdistanê, hemû meş, çalakî û xwepêşandan heta 19ê Mijdara 2022ê hatin qedexekirin.
Parêzgariya Dêrsimê ragihand, li parêzgehê heta 19ê Mijdara 2022ê divê ji bo hemû meş, çalakî û xwepêşandanên bêne kirin ji parêzgariyê destûr bê weergirtin.
Parêzgarî dibêje, armanca qedexeyê parastina aramiya civakî ya li bajêr e.
Di daxuyaniyê de tê gotin, “Ji bo hemû daxuyaniyên medyayê, civîn û meşên xwepêşandanê, mîtîng, civînên vekirî, protesto, çalakiyên rûniştinê, vekirina stant, kampanyayên îmzayê, konser û çalakiyên ku tê xwestin heta 19ê Mijdarê demjimêr 23:59 li tevahiya Dêrsîmê bên kirin, divê ji saziyên pêwendîdar destûr bê wergirtin.”
Parêzgariya Dêrsimê herwiha daye xuyakirin, ku rê nayê dayîn ku çalakiyên bêdestûr bên kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse