ŞINGAL bajarê yek malî!

Şingal (Rûdaw) – Piştî rizgarkirina navçeya Şingalê ji dest DAIŞê ji aliyê hêzên pêşmerge ve û berî dever bi timamî ji mîn û bombeyên DAIŞê were paqijkirin, malbatek vegeriya Şingalê.

Roja 13ê Mijdarê Şingal bi timamî ji destê çekdarên DAIŞê hat derxistin û roja paştir Qayimeqamê Şingalê Mehma Xelîl di daxuyaniyekê de ragihand, ku karê dezgehên fermî û hikûmî yên Şingalê dê dest pê bibe.

Her çiqas Şingal hat rizgarkirin, lê gellek mîn, TNT û bombeyên DAIŞê di nav bajêr û gund û deverên derdorê de mane û pêwîst e ku werin pûçkirin. Niha paqjikirina Şingalê ji mîn û bombeyên DAIŞê daxwaza sereke ya xelkê Şingalê û herwiha Qayimeqamê Şingalê Mehma Xelîl e.

Piştî proseya rizgarkirinê, heya niha rêyên sereke yên Şingalê bi timamî ji mîn û bombeyan hatine paqijkirin, lê belê mal û avahî û kolan û taxên bajêr hêj tije bombe û mîn in û pêdivî bi paqijkirinê hene.

Derbarê ew liv û tevgerên ku li ser cadeyên Şingalê tên dîtin, peyamnêrê Rûdawê li Şingalê Eyûb Nesrî ragihand: “Rast e hinek mal hatine talankirin, lê belê hinek ji malbatan jî vedigerin nav bajêr daku wan kelûpelên xwe bibin ku di nav mal û avahiyên wan de mane.”

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger