Barzanî ji BMW hez dike ne ji Mercedesê

Hewlêr (Rûdaw)- Serokê Herêma Kurdistanê Mesûd Barzanî duh li ser vexwendina fermî ya Serokwezîrê Tirkiyê Receb Teyib Erdogan serdana bajarê Amedê yê Bakurê Kurdistanê kir. Jibilî karvendanên siyasî, otombêla taybet a Barzanî jî bala medyaya tirkî ber bi xwe ve kişand.

Barzanî bi balafirê neçû Bakurê Kurdistanê, lê ew di rêya bejayî re çû. Karwana otombêlên Serokê Herêma Kurdistanê nêzîkî 20 otombêlan bûn, lê otombêla wî di nava karwanê de cuda bû. Otombêla Barzanî curê wê BMW bû.

Piraniya serok û kesayetiyên siyasî otombêlên wan Mercedes in ku li Almanya tên çêkirin, Barzanî jî otombêla wî almanî bû, lê ji curekî din bû.

Medyaya tirkî di dema ku Barzanî gihişte Bakurê Kurdistanê de behsa otombêla wî kirin û wiha nivîsandine: “Barzanî ji BMW hez dike ne ji Mercedesê”.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger