Hewlêr (Rûdaw) - Li parêzgeha Wanê ya Bakurê Kurdistanê 10 herêmên navçeya Elbakê 15 rojan wekî “herêma taybet a ewlehiyê” hatin ragihandin.
Li gorî daxuyaniya Parêzgariya Wanê, li herêmên Girê Karsizê, Berwara Kanli Geçîtê, Girê Beyazpûrê, Girê Sivriyê, Girê Avcilarê, Girê Sivrîtaşê, Berwara Tozluyê, Girê Artê, Uçdere û Berwara Bediyê yên navçeya Elbakê qedexeya çûnûhatinê hatiye ragihandin.
Her wiha li gorî biryarê qedexe sibe dest pê dike û dê heta 15 rojan berdewam be.
Parêzgariya Wanê di daxuyaniya xwe de îdia kir ku qedexe ji bo “parastina ewlehiya neteweyî, silametiya giştî, rêgirtina li ber tawanan û her rûdaneke neyînî û parastina maf û azadiya kesên din” hatiye ragihandin.
Herî dawî 3yê Çiriya Pêşînê li heman herêman 15 rojan qedexe hatibû ragihandin û heta niha berdewam bû.
Wate qedexe cara duyem e tê dirêjkirin.
Artêşa Tirkiyeyê demên dawî “operasyonên” xwe yên leşkerî bi hinceta gerîlayên PKKyê li ser sînorê Bakurê Kurdistanê û Herêma Kurdistanê û çend parêzgehên din ên Bakurê Kurdistanê zêde kirine.
Di vê çarçoveyê de li Bakurê Kurdistanê bi berdewamî qedexeyên çûnûhatinê tên ragihandin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse