Kurdistan
Tiryakêşekî bi kêrê êrîşê xwendekaran kir û di encamê de xwendekarekî canê xwe ji dest da û 2 bi giranî 3 xwendekar jî birîndar bûn
Hewlêr (Rûdaw) - Li navçeya Rezanê ser bi parêzgeha Amedê ya Bakurê Kurdistanê, komeke tiryakkêşan êrîşê xwendekaran kirin û di encamê de 2 xwendekaran canê xwe ji dest dan û 2 xwendekar jî birîndar bûn.
Li gorî agahiyan bûyer danê êvarê li navçeya Rezan a Amedê pêk hat. Komek xwendekarên ku piştî ji dersxaneyeke taybet derketin xwestin li Parka Rihanê rûnin. Ji ber sedemeke nehat zanîn di navbera komek tiryakêş û xwendekaran de nîqaş derket û şerê hev kirin.
Hat îdiakirin.
Her sê birîndar bo Nexweşxaneya Perwerde û Lêkolînê ya Gazi Yaşargil hatin rakirin, lê tevî midaxeleyên li nexweşxaneyê xwendekarê bi navê F.G. canê xwe ji dest da û hejmara kuştiyan bûn 2 kes.
Hat ragihandin rewşa birîndarekî jî giran e û bo Nexweşxaneya Dil a Zanîngeha Dicleyê hatiye veguhestin. Polîs 5 gumanbar desteser kirin û derbarê bûyerê de lêpirsîn hat destpêkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse