Hewlêr (Rûdaw) - Li parêzgeha Mûşê ya Bakurê Kurdistanê di bûyereke trafîkê de 3 kesan canê xwe ji dest da û 8 kes jî birîndar bûn.
Li gor zanyariyan\ li ser rêya sereke ya Muş-Çewlîgê 6 otomobîl li hev qelibîn.
Di bûyerê de 3 welatiyên bi navên Sezgîn Karakuş, Alîcan Çîçek û Ferman Uçar cane xwe ji dest da/
8 kes jî birîndar bûn ku birînên 4 kesan xedar in.
Li ser agahdarkirinê tîmên tenduristiyê çûn cihê bûyerê û birîndar birin Nexweşxaneya Dewletê ya Mûşê.
Her 6 otomobîlên ku li hev qelibîn ji aliyê tîmên parastina sivîlan ve ji ser rê hatin rakirin.
.jpg "Wêne: AA")
Li gorî amarên fermî yên ku hezîrana îsal hatine belavkirin, di 6 mehên destpêkê yên sala 2023yan de li Bakurê Kurdistan û Tirkiyeyê 257 hezar û 373 bûyerên trafîkê çêbûne.
Di wan bûyeran de hezar û 345 kesan canê xwe ji dest daye û 159 hezar û 235 kes jî birîndar bûne.
Sala borî jî li Bakurê Kurdistan û Tirkiyeyê 485 hezar û 48 bûyerên trafîkê çêbûbûn û 2 hezar û 282 kesan canê xwe ji dest dabû û 291 hezar û 151 kes jî birîndar bûbûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse