Hewlêr (Rûdaw) - Li parêzgeha Wanê ya Bakurê Kurdistanê, hefteya borî 20 kes bi “hinceta PKKyê” hatin desteserkirin.
Rêveberiya Ewlehiyê ya Wanê got ku di navbera 9 û 16ê Hezîranê de bi mebesta “ rêlibergirtina çalakiyên rêxistinê” operasyon hatine kirin.
Di van operasyonanan de 20 kes bi hinceta “endamtî û alîkariya PKKyê” hatine desteserkirin.
Derbarê kesên desteserkirî karên yasayî hatine destpêkirin.
Li Wanê di navbera 3 û 9ê Hezîranê de jî ji ber heman hincetê 18 kes hatibûn desteserkirin.
Li hêla din, dîsa li Wanê di navbera 9 û 16ê Hezîranê de 4 kes tohmeta endambûna cemaeta Fetullah Gulen hatine desteserkirin.
Li Tirkiye û Bakurê Kurdistanê, hêzên ewlehiyê rojane bi ser malan de digirin û bi “hinceta PKKyê” xelkê sivîl û siyasetmedarên Kurd desteser dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse