Hewlêr (Rûdaw) - Li bajarê Merîwanê yê Rojhilatê Kurdistanê di navbera Sûpaya Pasdaran a Îranê û PJAKê de şer derket û di encamê de pasdarek hate kuştin.
Ajansa Nûçeyan a Tesnîmê ragihand ku roja Înê di şerê navbera gerîlayên Partiya Jiyana Azad a Kurdistanê (PJAK) û Sûpaya Pasdaran a Îranê de pasdarek hatiye kuştin.
Herwiha Rêxistina Mafên Mirovan a Hengawê jî di derbarê heman mijarê de ragihand ku li Merîwanê di şerê navbera gerîlayên PJAKê û hêzên Îranê de pasdarekî Îranê hatiye kuştin û 2 pasdar jî birîndar bûne.
Hengawê di derbarê şer de daxuyaniyek belav kir û tê de wiha dibêje:
“Şeva borî li gundên derdora Merîwanê di navbera hêzên Sûpaya Pasdaran a Îranê û gerîlayên Partiya Jiyana Azad a Kurdistanê (PJAK) de şerekî çekdarî derket û di encamê de herî kêm endamekî pasdaran jiyana xwe ji dest da û 2 jî birîndar bûn.”
An armed clash between the #IRGC and the guerrillas of the #Kurdistan Free Life Party (#PJAK) occurred in the villages surrounding Marivan last night, resulting in the death of at least one Revolutionary Guards member and the injury of two others.https://t.co/fdKo1W05kI
— Hengaw Organization for Human Rights (@Hengaw_English) June 17, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse