Li Eyn Îsayê ji ber topbarana artêşa Tirkiyê 3 kes birîndar bûn

Hewlêr (Rûdaw) - Li bajarokê Eyn Îsayê yê Rojavayê Kurdistanê ji ber topbarana artêşa Tirkiyê 3 kes birîndar bûn.

Li gorî zanyariyan, di encama topbarana artêşa Tirkiyê li gundê Cideydê û Rêya Navdewletî ya M-4, sê  kes birîndar bûn ku du ji wan birayên hev in.

Navên kesên ku birîndar bûne: Mihemed û Mehmûd Fewaz el-Weggai û Mihemed Salim Kemal in.

Hat ragihandin kesên ku di topbaranê de birîndar bûne ji bo nexweşxaneyên Reqayê hatine veguhestin.

Gundê Cideydê ku ji aliyê artêşa Tirkiyê ve hatiye topbarankirin bi 2 kîlometreyan dikeve rojavayê bajarê Eyn Îsayê.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger