Hewlêr (Rûdaw) – Serokê Herêma Kurdistanê Nêçîrvan Barzanî ligel parlamenterên nûnerên pêkhateyên netewî û olî yên Herêma Kurdistanê civiya û ragihand ku nabe pêkhateyan bikin beşek ji nakokiyên siyasî û divê hemû hevkar bin û di vê rewşa zehmet de hewle asayîkirinê bidin.
Serokê Herêma Kurdistanê Nêçîrvan Barzanî îro Yekşemê 17ê Gulana 2020an, pêşwazî li parlamenterên nûnerên pêkhateyên Herêma Kurdistanê kir.
Di civînekê de, nûnerên pêkhateyan nerîn û dîtinên xwe derbarê rewşa niha Herêma Kurdsitanê pêşkeşkirin û behsa rol û pêgehên pêkhateyan kirin.
Herwiha nûneran spasiya Serokê Herêma Kurdistanê kirin û ji wê xwestin ku di çareserkirina hinek pirsgirêkên wan de bibe alîkar.
Nêçîrvan Barzanî piştgiriya xwe bo pêkhateyên netewî û olî yên Herêma Kurdistanê nîşam da û tekez kir ku ew hemû hemwelatiyên resen ên Kurdistanê ne û divê rêz li biryara wan were girtin û azadiya wan bê parastin.
Barzanî hebûna pêkhateyan bi cihê şanazî, dewlemendî û bi wêneyeke ciwan ê Herêma Kurdistanê da zanîn ku divê ew bê parastin.
Serokê Herêma Kurdistanê herwiha diyar kir ku yekîtiya siyasî û aramiya Kurdistanê pêwîstî bi hevkariya tevahiya aliyên siyasî û pêkhateyan heye û got ku nabe pêkhateyan bikin beşek ji nakokiyên siyasî û divê hemû hevkar bin û di vê rewşa zehmet de hewle asayîkirinê bidin.
Di heman demê de Barzanî tekez kir ku bi hevra jiyan, hevdû qebûlkirin, cîgîrkirina maf û azadiyên pêkhateyan di destûra Herêma Kurdistanê de parastî be.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse