Sekreterê PDK-Î Mistefa Hicrî
Hewlêr (Rûdaw) – Sekreterê PDK-Î Mistefa Hicrî diyar kir, ku partiyên Rojhilatê Kurdistanê liser mijara boykotkirina gel a hilbijartinan hevdeng in û got: “Eşkere ye, ku di van hilbijartinan de ji kurdan re ti tiştek nîne.”
Roja Çarşemê 17-05-2017, Navenda Lêkolînên Rûdawê, li Hewlêrê bi beşdarbûna serokê partiyên Rojhilatê Kurdistanê, panelek derbarê hilbijartinên Îranê de sazkir.
Sekretere Partiya Demokrata Kurdistana Îranê (PDK-Î) Mistefa Hicrî di panelê de axivî û got: “Gelê Kurdistanê gihiştiye wê baweriyê ku sozên Komara Îslamî ya Îranê ne cihê baweriyê ne û eşkere ye, di van hilbijartinan de ji kurdan re ti tişt nîne.”
Hicrî amaje bi wê yekê kir, ku Komara Îslamî ya Îranê ji dengê gel û herwiha pirrengiya gelan bawer nake û destnîşan kir: “Lê rejîma Îranê şanoyekî pêşkeş dike da ku ji cîhanê re bêje rejîmekî demokratîk e.”
Derbarê namzetên hilbijartinê de Mistefa Hicrî da xuyakirin: “Berbijêrên vê xula hilbijartinê ew kes in, ku di 40 salên dawiyê de, rolawan di wan nexweşiyan de hebûye, ku biser gelê kurd de hatine.”
Sekreterê PDK-Î Mistefa Hicrî balkişande ser wê yekê, ku namzetên serokomariyê ne namzetên gel in û ji aliyê rejîmê ve hatine hilbijartin, ji gel jî dixwazin deng bidin wan.
Hicrî got: “Namzetên serokomariyê nikarin behsa hemû tiştekê bikin. Li Îranê ti desthilatekî serokomaran jî nîne. Jiber ku desthilat hemû di destê rêberên Îranê de ye.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse