FLAŞ - Ti konsul û nûnerên dewletan neçûne merasîma YNKê û Gorranê

Silêmanî (Hewlêr) - Konsulên welatên biyanî, nûnerê Partiya Demokrata Kurdistanê (PDK) û 5 serkirdeyên Yekîtiya Niştimaniya Kurdistan (YNK) di merasîma rêkevtina YNK û Tevgera Gorranê de amade nebûne.

Merasîma ragihandina rêkevtina navbera Yekîtiya Niştîmaniya Kurdistanê û Tevgera Gorranê li Grand Millenium Hotel hate lidarxistin û bi sirûda Ey Reqîb û rêzgirtin li şehîdan destpê kir. Piştre naveroka rêkevtinê hate xwendin ku ji 25 madeyan pêk tê.

Peyamnêrê Rûdawê ku lihevkirina YNK-Gorranê dişopîne, ragihand Komela Îslamî û Yekgirtûya Îslamî ya Kurdistanê, nûnerên xwe şandine merasîmê.

Li gorî zanyariyên Rûdawê endamê Polîtburoya YNKê, Se'dî Ehmed Pîre û berpirsê liqa Hewlêrê ya YNK Rizgar Elî, bi dest vexwendnameyek ji PDKê re biriye û her çend Gorran jî razî bûye, PDKê nûner neşandiye rêwresmê.

YNK û Gorranê herwiha vexwendname ji hemû konsulxaneyên li Başûrê Kurdistanê re birine, lê belê ji wan jî tu alî beşdarî rêwresmê nebûn.

Herwiha, rêvebirê polîtburoya YNK Mela Bextiyar û berpirsên din, Azad Cundiyanî, Erselan Bayîz, Ednan Muftî, Hemeyê Hemeseîd ji ber nerazîbûna li hember rêkevtinê, di merasîmê de amade nebûn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger