Serokê Estonyayê li Hewlêrê ye

Hewlêr (Rûdaw) - Serokê Herêma Kurdistanê Nêçîrvan Barzanî, Serokê Estonyayê Alar Karis pêşwazî kir.

Serokê Estonyayê Alar Karis cara yekem e tê Herêma Kurdistanê û ji bo wî li Balafirgeha Navneteweyî ya Hewlêrê merasîmeke taybet hat amadekirin.

Li gorî agahiyan, Nêçîrvan Barzanî û Alar Karis dê mijarên wekî “pêşhateyên li herêmê, têkoşîna bi DAIŞê re û hinek babetên di berjewendiya her du aliyan de” binirxînin.

Herwiha dê di civîna wan de pêwendiyên Estonyayê yên bi Îraq û Herêma Kurdistanê re, pêşvebrina hevkariyê û gelek mijarên din werin guftûgokirin.

Serokê Herêma Kurdistanê Nêçîrvan Barzanî, Serokê Estonyayê Alar Karis pêşwazî kir

Serokê Estonyayê Alar Karis cara yekem e tê Herêma Kurdistanê pic.twitter.com/r75NwaWe0w

— RudawKurdi (@RudawKurdi) January 17, 2024

Estonya di nava Hevpeymaniya Navdewletî de ye

Estonya yek ji wan welatan e ku di nava Hevpeymaniya Navdewletî ya li Dijî DAIŞê de cih digirin.

Estonya li bakkurrojhilatê Ewropayê ye û paytexta wê Tallin e.

Estonyayê sala 1991ê serxwebûna xwe ragihand û sala 2004an bû endama NATO û Yekîtiya Ewropayê.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger