Hewlêr (Rûdaw) - Cenazeyên 3 çiyagerên ku ji bajarê Nexedeyê yê Rojhilatê Kurdistanê hatibûn û hilkişiyabûn Çiyayê Rindoleyê yê li Şinoyê piştî 5 rojan hatin dîtin.
5 endamên Grûpa Çiyagerî ya Kawayanê ya Nexedeyê, 11ê Kanûna Paşîna 2024an roja Pêncşemê ji bo çiyageriyê çûn Çiyayê Rindoleyê yê li navçeya Şinoyê ya ya parêzgeha Urmiyeyê ya Rojhilatê Kurdistanê.
Roja Înê aşût bi ser wan de hat.
Bi dehan çiyager, welatiyên din û karmendên fermangehên hikûmî wekî Heyva Sor a Bajarê Şinoyê çûn Çiyayê Rindoleyê da ku çiyageran rizgar bikin.
2 kes ji wan roja înê hatin rizgarkirin lê ji ber sir seqemê û rewşa xirab a keşûhewayê, hemû çiyager nehatin rizgarkirin.
Îro di encama xebata ciyager û xelkê deverê de cenazeyên çiyagerên ku di bin berfê de mabûn hatin derxistin.
Li aliyên din, çiyagerên ku jiyana xwe ji dest daye Mihemed Royan, Muhsîn Ezîzî û Riza Kayiş in.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse