Hewlêr (Rûdaw) - Serokê Herêma Kurdistanê Nêçîrvan Barzanî û Alîkarê Serokwezîrê Herêma Kurdistanê Qubad Talebanî li Hewlêrê beşdarî merasîma şîna karzasê Kurd Pêşrew Dizeyî û keça wî Jîne Dizeyî bûn.
Supaya Pasdaran a Îranê 15ê Kanûna Paşîn bi mûşekan êrişî Hewlêrê kir û pênc ji van mûşekan li mala karsazê Kurd Pêşrew Dizeyî ketin.
Di vê êrişa Îranê de Pêşrew Dizeyî, Kerem Mixayîlê ku karsazekî Îraqî yê Xirîstiyan e û dema êrişê mêvanê Pêşrew Dizeyî bûye û keça Pêşrew Dizeyî ya yek salî ya bi navê Jîne canê xwe ji dest da.
Pêşrew Dizeyî û keça wî doh li gundê Baqirtê yê bajarokê Şemamkê, bi merasîmekê hatin veşartin.
Îro gelek kes û rayedar beşdarî şîna Dizeyî û keça wî Jîne bûn.
Serokê Herêma Kurdistanê Nêçîrvan Barzanî û Alîkarê Serokwezîrê Herêma Kurdistanê Qubad Talabanî beşdarî şînê bûn.
Li gorî daxuyaniya Serokatiya Herêma Kurdistanê, Nêçîrvan Barzanî ji malbata kesên canê xwe ji dest daye re sersaxî xwest û hêviya sebirê kir.
Malbata Dizeyî jî spasiyên xwe pêşkêşî Barzanî kirin.
Serokê Herêma Kurdistanê Nêçîrvan Barzanî beşdarî şîna Pêşrew Dizeyî û keça wî bû ku di êrişa mûşekî ya Îranê ya li Hewlêrê de şehîd bûbûn#Hewlêr #Erbil #أربيل #Iran pic.twitter.com/yRUVQG7liR
— RudawKurdi (@RudawKurdi) January 17, 2024
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse