Li bakurê welêt dema berf û baranê ye: Hişyarî hat dayîn

Hewlêr (Rûdaw) - Saziya Keşnasiyê ya Tirkiyeyê ji bo gelek bajarên Bakurê Kurdistanê hişyariya berf û baranê û ji bo herêmên bilind jî hişyariya aşûtê da.

Saziya Keşnasiyê ragihand ku li tevahiya Tirkiye û Bakurê Kurdistanê hewa bi ewr e û ji bo Bakurê Kurdistanê hişyariya berf û baranê da.

Îro li parêzgehên Erzirom, Qers, Meletî, Wan, Mûş, Çewlîg, Dêrsim, Bedlîs, Erdexan, Xarpêt û Erzinganê berf dibare û pileyên germê di navbera 1-3 pileyan de dadikevin.

Her wiha li hinek bajarên Bakurê Kurdistanê bi şevan pileyên germê heta bin sifirê bi 10 pileyan dadikevin.

Li parêzgehên Amed, Semsûr, Dîlok, Êlih, Mereş û Sêrtê jî berf û baran bi hevdû re dibarin û li parêzgehên Riha û Kilîsê jî baran dibare.